Anhören / Vorschau
Auch auf
بهجة بيضا ما تحول ورسمك عندو قيمة
راني بعثتلك مرسول واجبني يا عاصمة
بهجة بيضا ما تحول ورسمك عندو قيمة
راني بعثتلك مرسول واجبني يا عاصمة
من القصبة لراس المول، القواس والجنينة
مرسى قابلت البحور، وسماك ازرق ديما
باب جديد زوج عيون، من الكنتيرة للرميلة
بوفريزي لقاع الصور، مسيد الدالية القديمة
باب الواد فيه الهول، وباب عزون رزينة
باب الإله محلول، حتى نوصل نضرب تحميمة
نحي التقاف والسحور، على هاد السنان الشينة
سيدي ربي غفور، نلحق للباب الخيمة
بهجة بيضا ما تحول ورسمك عندو قيمة
راني بعثتلك مرسول واجبني يا عاصمة
في رمضان على السحور في السوسطارة تلاقينا
هاذي مدة وشهور لي علابالي تخميمة
الأصل فيك مشكور، انتي بخيرك تكفينا
وطلع عليك النور، ما صبت مثلك في مدينة
بوزريعة، بن عكنون، الابيار عالي علينا
سالومبي وبلكور طراف العلجة وليمة
الاسم فيك مشهور، يزيد ينحي الغبينة
يا بلادي عليك ما ندور، يالوكان نقطع بسفينة
بهجة بيضا ما تحول ورسمك عندو قيمة
راني بعثتلك مرسول واجبني يا عاصمة
الجناين على الألوان، بئر خادم فيه التشينة
سحاولة، شراقة ويدان تما لرياح تحيينا
من صابني معاك في المنام مقار نقول زهينا
والليل يكون فيه عام والصباح نقول ما بطينا
القبة جنان بالرمان حتى الحراش مدينة
وينهم دوك الجيران والحومة بقات حزينة
واد قريش وواد سيسبان، درقانة عندها خصيمة
ميمون حمام الوان في الربيع ما جرينا
بهجة بيضا ما تحول ورسمك عندو قيمة
راني بعثتلك مرسول واجبني يا عاصمة
فيك قدر والديان والنسمة فيك ناعمة
ورد ياسمين وسيسان، هذيك دنيا ما نسينا
هدرو عليك في اليمن، الجزائر راكي زينة
زادت مصر والشام ما نخطيك حتى بليلة
سهلي يا رحمان برضاك أنت تعافينا
المذاهب ربع اركان فالشهادة ما تنسينا
نختم قولي بقوال الصلاة على نبينا
الله يجمعنا باحسان ولي ماتوا برحيمة
بهجة بيضا ما تحول ورسمك عندو قيمة
راني بعثتلك مرسول واجبني يا عاصمة
بهجة بيضا ما تحول ورسمك عندو قيمة
راني بعثتلك مرسول واجبني يا عاصمة
Quelle: LRCLIB
30-Tage-Aktivität
Keine Hörer-Daten
Keine Server-Daten
Keine letzten Wiedergaben
Erstmals gesehen: Jul 10Zuletzt gespielt: Jul 10, 05:05 AMTitellänge: 5:55