ស្ថានសួគ៌ស្ថានស្នេហ៍

សូរិយា ពន្លឺថ្លាបំភ្លឺផែនដី

ហាក់ដូចជារូបបងរស្មី

មានចិត្តភក្ដី មកលើរូបអូន

នឹកស្រណោះ កាលដែលប្រុស កៀកកើយខ្លួន

ឬមួយក៏ចិត្តប្រុសស្ងួន

បំភ្លេចស្នេហ៍អូនប្រុសលែងនឹកនា

មិនមែនទេ! ប្រុសមិនបែរ បែកស្នេហ៍ពីស្រី

នៅស្រណោះមិនអស់អាល័យ

នៅស្មោះភក្ដីតែស្រីរដ្ឋា

គឺមិនពិត ដូចវរមិត្រអូនវាចា

បងពិតជាស្មោះចិន្ដា

មិនភ្លេចស្នេហា

ស្នេហាយើងទេ

បើពិត ដូចពាក្យដែលបងវាចា

ចិត្តអូន កួចស្នេហារឹតតែទ្វេ

បងពិត ជាស្មោះមិនដោះដៃទេ

ក្នុងរឿងស្នេហ៍

កែប្រែចោលមិនបានឡើយ

ណា៎! អូនណា៎

សូមឱ្យស្នេហ៍ យើងទាំងពីរស្ថិតស្ថេរ តទៅ

បើវាសនាចារហើយបើកផ្លូវ

សូមលោកតម្រូវជួយឱ្យដល់ត្រើយ

អូននិងបងឆ្លងស្ពានសុខដរាបអឺយ

ស្នេហ៍យើងឆ្លងផុតដល់ត្រើយ

នេះហើយឋានសួគ៌សុភមង្គល