Nadarang

Andiyan ka na naman

Ba't 'di ko maiwasang tumingin sa 'yong liwanag?

Nadarang na naman sa 'yong apoy

Bakit ba laging hinahayaan?

Andiyan ka na naman

Ba't 'di ko maiwasang tumingin sa 'yong liwanag?

Nadarang na naman sa 'yong apoy

Handang masaktan kung kinakailangan

May lakad ka ba mamaya?

Puwede ka ba makasama sa paggagala?

Kung sakaling 'di ka puwede

Sa bagay, mayro'n din akong ginagawa

Siguro nga, napapaisip ka

Ba't ako nangangamusta?

Ilang araw ka nang naroon sa panaginip ko

Nag-aalala lang ako, baka sa'n ka mapunta

Pero mukhang ayos ka naman

Kahit 'di na kita abalahin pa

Ilang "Ama Namin" pa ba ang dapat

Para patago kang mag-alala sa 'kin? Uh

Habang pinapantasya lamang nila

Ay maskara mo sa gabi at pitaka mo sa umaga

'Yung "ikaw" sa likod ng kolorete pa din

Ang nangangahulugan sa salitang "paraiso" para sa 'kin

Bakit kaya kayamanan ko pa din kinikilala ang iyong pagtawa?

Kahit na sa puso mo man ay ilang dosena na din ang kasya

Dati pa 'ko pinagdamutan ng kapalaran

Kaya 'di na bago sa 'kin mawalan ng pag-asa

Ala-una ng umaga na naman

Tawagan mo na lang ulit ako kapag hindi na kayo magkasama

Andiyan ka na naman

Ba't 'di ko maiwasang tumingin sa 'yong liwanag?

Nadarang na naman sa 'yong apoy

Bakit ba laging hinahayaan?

Andiyan ka na naman

Ba't 'di ko maiwasang tumingin sa 'yong liwanag?

Nadarang na naman sa 'yong apoy

Handang masaktan kung kinakailangan

May lakad ka ba mamaya?

Sana madaanan mo 'ko pagkatapos

Sabihin mo ngayong ako'y makakaasang

Dito ka dadalhin ng iyong sapatos

Kung ngayong gabi lang naman ang magiging dahilan

Ay handang-handa pa din naman ako mamaos

Makakaluwag ka man ay sa mas nakakalibang

Na paraan kita tutulungan makaraos

Bakit ka nagparamdam?

Siguro, 'di na kayo nilanggam

Bakit kaya 'di n'ya alam

Ang 'yong halaga't kung gaano ka kalinamnam?

Iniwasan ko mang matakam nang 'di halata

Ang hirap nang magpabaya

Kapag tawag na ng laman ang nagbadya

Makipaglangit-lupa nang walang taya

Mata sa mata, bibig sa bibig

Mga ingay na tayo lang dalawa nakadinig

Nakatawang umidlip sa kama

Pero ba't wala ka na pagsapit ng umaga?

Andiyan ka na naman

Ba't 'di ko maiwasang tumingin sa 'yong liwanag?

Nadarang na naman sa 'yong apoy

Bakit ba laging hinahayaan?

Andiyan ka na naman

Ba't 'di ko maiwasang tumingin sa 'yong liwanag?

Nadarang na naman sa 'yong apoy

Handang masaktan kung kinakailangan