Lyt / Forhåndsvisning
Også på
Ar plac'h a garan me
En disheol pa vale
He sked tener ha sklaer
A c'houlaou tu gin ar gez
Ha kleùet ' vez frondoù distan
Ha n'int ket bet kleùet biskoazh
Frondoù ha n'eus ket anezhe
Ar plac'h a garan pa vale
Ar plac'h a garan me
En nozvezh pa vale
Stered splann a ziskenn
War c'horre sioul ar ster
Stered aour stered argant
Ha n'int ket bet gwelet biskoazh
Stered ha n'eus ket anezhe
Ar plac'h a garan pa vale
Ar plac'h a garan me
E miz du pa vale
Bleunioù dispar a c'hol
Barr an avalegi
En-dro dezhi tud brav a zañs
Ha n'int ket bet gwelet biskoazh
Tud brav ha n'eus ket anezhe
Ar plac'h a garan pa vale
Ar plac'h a garan me
War an traezh pa vale
Ar mor bet dichalet
Beteg he zroad e teu
Ha kleùet vez merc'hed a gan
Ha n'int ket bet kleùet biskoazh
Merc'hed ha n'eus ket anezhe
Ar plac'h a garan pa vale
Kilde: Genius
30-dages aktivitet
Ingen lytterdata
Ingen serverdata
Ingen nylige afspilninger
Første gang set: Jul 8Sidst afspillet: Jul 8, 07:51 PMSporets varighed: 4:13